Le disgrazie del Tran de Opcina

Trieste, 2052. La zita xe controlada dal COFE, Centro Operativo per la Friulana Egemonia, che pian pianin ga conquistado un poco tuta la region. Una dele prime robe che el ga fato xe sta vietar el capo in b, el spritz bianco, el teran e adiritura proibirghe ai fioi de parlar in triestin. El tran de Opcina, un tempo tanto cocolado, xe stado inveze trasformado in un barachin per petessoni al'Obelisco.L'unico in grado de tegnirghe testa al COFE saria el MONA, el Movimento Organizzato per la Nazione Alabardata, ma de tanti ani ormai no se sa piu niente de lui.Ma propio quando tuti par ormai gaver perso le speranze, e el Podesta Furio Teimbiavo e la sua vice Chanel Nacici xe adiritura colaborazionisti dei furlani, eco che salta fora l'inimaginabile.Zinque muleti dela Scola Elementare James Joyce, durante l'ora de frico e cotecio, i scoprira un'antica profezia che li catapultera in una corsa incredibile contro el tempo, tra sfingi ciacolone, ristoranti McFrico’s de lusso, clanfe moleste e una zaia de veci insempiadi. Inseguidi dai maestri Loris Mandi e Gianni Bastonich, dai agenti Copotutti e Xeciodi e dal Podesta e la sua vice in persona, i dovera adiritura passar per l'inferno triestin, coi sui temibili gironi dela bora, dele bobe e dele comesse ranzide. Ghe la fara i nostri zinque eroi a ristabilir l'equilibrio nel'eterna sfida tra MONA e COFE?