This title is printed to order. This book may have been self-published. If so, we cannot guarantee the quality of the content. In the main most books will have gone through the editing process however some may not. We therefore suggest that you be aware of this before ordering this book. If in doubt check either the author or publisher’s details as we are unable to accept any returns unless they are faulty. Please contact us if you have any questions.
Danki na Dios ku a inspira mi pa ta un eskritor. Dios a habri mi wowo pa e nesesidat di nos muchanan. Bida a bira hopi mas duru pa muchanan den e tempu ku nos ta biba aden aki. Muchanan tin ku dil ku hopi perdida i ferdrit, tin bia sin un sistema di sosten grandi rondo di nan i sin ku nan por papia i deshoga nan mes. Mi orashon ta pa hopi mucha por rekonose strategia pa dil ku perdida i ferdrit den bida siguiendo e lucha ku Hannah a hiba den e buki aki. Un danki ta bai na mi amigunan ku a sa di kere den mi i sostene mi ora mi kier a hasi mi sono di skibi bira berdat. Den e lunanan ku a pasa Hannah a bira manera un yu muhe di mi den kas. Un danki ta bai na mi amiganan di kurason Jenny, Jefka, Arelis i Sylvia pa yuda mi lesa i koregi e teksto. Tambe mi amigu chikinan en espesial e speshalista den lesamentu Teffy. Un danki ta bai pa e persona ku a hasi tur e kosnan aki posibel ku ta mi mama Diana. For di chiki el a kore bai tur marshe di pruga ku mi pa kumpra kaha di buki pa mi lesa i semper el a insisti pa mi lesa korant. Ku awe mi por skibi ta pasobra na mucha mi a lesa. I por ultimo mi kerido kasa Ed ku a hasi tur su posibel pa sostene mi i adopta Hannah komo yu, pa awe boso por mira Hannah i su kabai boso dilanti. Un danki na mi yunan Timothy, Bryan i Jo-Hanna ku a biba ku mi tur e oranan ku mi mester a dedika na skibi i koregi. Hannah a bira nan ruman tambe. Mi no ke keda sin bisa danki na e papiamentistanan RoseMary Keli, Irene Dick i Barche Baromeo. Tambe danki na Kas di Kultura ku a enkurasha mi pa skibi na papiamentu, asta ora e tabata parse difisil. Un danki na Jules Marchena ku a tuma tempu pa splika mi regla nan di skibi papiamentu i na e grupo literario ku ta reuni un bia pa luna serka Jules. Danki pa skucha mi i yuda mi pensa. Un danki speshal tambe na e modelo kabai Rosie ku su dono Kaydee Chang i su amiganan. Sin boso tur su yudansa e manuskrito aki lo no a kaba. Ta p'esei na tur tur hende un DANKI.
