Sinta na Pia di Hesus

Mi orashon ta pa bo lesa Dios su Palabra ku animo. Pa bo sina regosiha den Kristu Hesus.

Pa bo bista por ta fiha riba djE . Pa bo por sinti goso ora bo ta studia su Palabra.

Mi ta konfia ku bo lo eksperensia un amor profundo pa Dios den bo estudionan. Ku bo boka lo ta yen di alabansa.

Laga nos Plania, Pusha i Persevera pa lesa e Palabra.

Bo no ta bo so. Nos tur ta bataya den bida. No tin hopi tempu pa nada. Lesa Beibel ta kai chiki hopi bia.

Pero awe, ...traha un kopi di te of kofi. Buska un luga komodo pa bo sinta i kuminsa. Bo deboshonal "Na Pia di Hesus" lo yuda bo.

Lo bo sali bendishona!

Komparti ku mi riba mi Facebook kon Dios a usa e deboshonal "Na Pia di Hesus" aki, pa bo bida.

Ku hopi amor,

Luisette